Mantemento preventivo con MantPro
Un plan de preventivo só serve se ninguén esquece facelo. MantPro avísate de cada tarefa cando toca, por data ou polo uso da máquina, deixa claro que está atrasado e garda quen o fixo, cando e que atopou. É un GMAO de balde e de código aberto: sen cotas nin límite de máquinas ou tarefas.
Preventivo por data: avisos que non se saltan
Cada tarefa periódica («revisar o cadro xeral cada 3 meses») repítese soa. Se pasa a data, non desaparece nin salta á seguinte:
- Pendente (laranxa) mentres dura a marxe que lle deses.
- Atrasado (vermello) ata que alguén a fai.
- A data seguinte cóntase dende o día en que de verdade se fixo, non dende a teórica.
- De diario a cada 10 anos: semanal, mensual, trimestral, semestral, anual e cada 2, 3, 4, 5 ou 10 anos para as inspeccións regulamentarias.
O calendario amosa dunha ollada as tarefas de cada día, os festivos da túa rexión e as vacacións.
Preventivo por contador: horas, ciclos ou quilómetros
Hai mantementos que dependen do uso, non do calendario: «cambio de aceite cada 500 h, avisar 50 h antes». MantPro leva contadores de horas de uso, ciclos ou km por máquina e avisa cando se achega o límite.
- Pódense combinar cunha frecuencia por data: o que chegue antes («cada 500 h ou cada ano»).
- As lecturas anótanse no PC, na ficha da máquina no móbil (tamén sen conexión) ou ao completar o preventivo.
- Co uso medio por día, MantPro calcula cando se chegará ao seguinte mantemento.
Listas de comprobación
Crea modelos reutilizables («Revisión mensual do compresor») con puntos que se marcan ben / mal / non aplica e lecturas coa súa unidade e o seu rango correcto. Unha lectura fóra de rango márcase como «mal» automaticamente. Asígnanse ás tarefas, énchense ao completalas no PC ou no móbil e quedan gardadas co traballo, no historial e nos informes.
No móbil, a pé de máquina e sen cobertura
Coa app Android MantPro, o técnico ve as súas tarefas asignadas, complétaas con fotos de antes e despois, enche a lista de comprobación e anota lecturas e os recambios usados. Todo se garda no móbil aínda que non haxa cobertura na nave e sincronízase co PC ao volver á wifi. Escaneando a etiqueta QR dunha máquina ábrese a súa ficha ao momento.
Que gañas co historial
- Quen fixo cada traballo, cando, canto tempo e cantas persoas.
- Recambios usados e o seu custo, descontados do almacén.
- Indicadores: MTBF, MTTR, avarías por mes e custo de mantemento por máquina.
- Informes PDF co logotipo da túa empresa, e exportación a Excel e CSV, para auditorías ou para entregar ao cliente.
Comeza sen teclear todo de novo
Se xa levas o preventivo nunha folla de cálculo, MantPro importa dende Excel ou CSV as máquinas, as tarefas periódicas, os usuarios e o historial de traballos anteriores, con vista previa fila a fila. Máis en GMAO de balde e de código aberto.
Preguntas frecuentes
Que pasa se unha tarefa de preventivo non se fai a tempo?
Non se perde: pasa a «Pendente» durante a marxe que lle deses e despois a «Atrasado» ata que alguén a complete. A data seguinte calcúlase dende o día en que se fixo.
Podo programar o preventivo por horas de funcionamento?
Si. Cada máquina pode ter contadores de horas de uso, ciclos ou quilómetros, e cada preventivo pode ir por contador, por data ou polo que chegue antes.
Os técnicos poden completar o preventivo dende o móbil?
Si, coa app Android MantPro, tamén sen conexión: completan a tarefa, enchen a lista de comprobación, anotan lecturas e achegan fotos. Sincronízase co PC ao volver á wifi.
Canto custa?
Nada. MantPro é de balde e de código aberto, sen límite de máquinas, tarefas nin usuarios. Só é de pagamento o servizo opcional MantPro Cloud, para sincronizar dende calquera sitio.